Линктер

ЧУКУЛ КАБАР!
29-Май, 2024-жыл, шаршемби, Бишкек убактысы 11:47

ВИЧти өз алдынча аныктай ала турган тест-системалар бекер таратылат


ВИЧти өз алдынча аныктоо боюнча тест-система.
ВИЧти өз алдынча аныктоо боюнча тест-система.

Кыргызстандыктарга ВИЧке өз алдынча текшерилүү мүмкүнчүлүгүн бере турган долбоор иштей баштады. АКШнын Эл аралык өнүктүрүү агенттигинин (USAID) жардамы менен бүгүн 21-февралда ишке ашырыла баштаган долбоор алкагында тест-системалар Бишкектин, Оштун жана Чүй, Ош облустарынын аймагында жайгашкан 32 дарыканада бекер таратылат.

Долбоорду ишке ашырууга "Неман-Фарм" компаниясы көмөктөшөт.

ВИЧ бар же жогун шилекей аркылуу аныктай ала турган тест-системаны каалоочулар www.epictest.live сайты аркылуу каттоодон өтүп ала алышат.

Дарыгерлер мындай ыкма аркылуу ВИЧ жуккандарды аныктап, тийиштүү терапияны эрте баштоого жардам болорун белгилешти.

Расмий маалыматка караганда, Кыргызстанда 2021-жылы ВИЧ менен 9200 адам каттоодо турган. Учурда алардын 4 миңден ашууну антиретровирустук терапиядан өтүүдө.

Facebook шеринеси

XS
SM
MD
LG