Линктер

ЧУКУЛ КАБАР!
25-Апрель, 2024-жыл, бейшемби, Бишкек убактысы 04:24

Казак полициясы: Журналисттерге каршы чагымчыл чабуулдардын координатору кармалды


Кол салууга туш болгон журналист Данияр Молдабеков. Алматы, 22-февраль, 2023-жыл
Кол салууга туш болгон журналист Данияр Молдабеков. Алматы, 22-февраль, 2023-жыл

Казакстандын Ички иштер министрлиги 28-февралда "журналисттерге каршы чагымчыл чабуулдардын координатору" кармалганы тууралуу билдирди. Мекеменин сайтында жарык көргөн маалыматка караганда, ИИМ менен Улуттук коопсуздук комитетинин биргелешкен тергөө-ыкчам тобу медианын өкүлдөрүнө кол салууларды уюштурган деп шектелген адамдардын ишмердүүлүгүн токтотууга жетишти.

Алар Кылмыш-жаза кодексинин опузалоо, жеке жашоонун кол тийбестигин бузуу, журналисттик ишмердикке тоскоол болуу, кимдир бирөөнүн мүлкүнө кол салуу, бейбаштык беренелери менен кылмыш жасаган деп шектелүүдө.

Министрлик кармалган киши хакер, О.Токарев аттуу чет элдик жаран экенин, жашаган жеринде техника табылганын жазды.

Мекеме кол салуулар Казакстандын президентине жана ал жүргүзүп жаткан «демократиялык реформаларга» көлөкө түшүрүүнү көздөгөн деп эсептейт.

Акыркы жарым жылда кошуна мамлекетте бир катар журналисттерге жана редакцияларга кол салуулар көбөйгөн.

Журналисттер чабуулдарды кесиптик ишмердиши менен байланыштырып келишет.

Facebook шеринеси

XS
SM
MD
LG