Линктер

ЧУКУЛ КАБАР!
29-Февраль, 2024-жыл, бейшемби, Бишкек убактысы 07:35

Польша Украинага советтик үлгүдөгү МиГ-29 истребителдерин берет


Украин армиясынын МиГ-29 учактары. Иллюстрациялык сүрөт
Украин армиясынын МиГ-29 учактары. Иллюстрациялык сүрөт

Польша жакынкы арада Украинага советтик үлгүдөгү төрт даана МиГ-29 истребителин берет жана курал менен камсыздоону улантат. Бул тууралуу бейшемби күнкү маалымат жыйында поляк президенти Анжей Дуда билдирди. Буга чейин бир да өлкө Киевге аскердик авиация берилерин жарыялаган эмес. Украин бийлиги Орусия басып киргенден бери Батыштан андай техниканы сурап келатат.

Дуда билдирүүнү чех президенти Петр Павел менен жолугушуудан кийин жасаганын Польшанын кабар агенттиги маалымдады. Адистер кеп Варшава Прагадан 1995-жылы тик учактарга айырбаштап алган истребителдер тууралуу жүргөнүн айтышат. Ачык маалыматтарга ылайык, ушу тапта Польшада 28 МиГ-29 учагы бар. Дуда анын 16сы ишке жарактуу экенин айтты. Дагы бир нечеси оңдолуп же тетиктери берилиши ыкымал.

МиГ-29 истребителдерин украин куралдуу күчтөрү колдонот. World Air Forces 2022 маалымдамасында көрсөтүлгөндөй, согушка чейин ал өлкөдө 51 даана бар болчу.

Шаршембиде Польшанын премьери Матеуш Моравецкий учактар 4-6 жуманын ичинде берилерин билдирген. Словакия дагы Украинаны мындай техника менен камсыз кыларын айтууда. Мурда өлкөлөр Батыштагы өнөктөштөрү менен макулдашуу керек деген негизде аскердик учактарды берүүдөн карманып келген.

Facebook шеринеси

XS
SM
MD
LG