Ички иштер министрлиги (ИИМ) Чүйдүн Ысык-Ата районунун Дмитриевка айылында 17-майда террорго шек саналган куралчан адам жок кылынганын билдирди.
Мекеменин басма сөз кызматынын маалыматында, министрлик менен Улуттук коопсуздук боюнча мамлекеттик комитеттин (УКМК) атайын бөлүктөрүнүн кызматкерлери террорго шек саналган адамды кармоо операциясын өткөрүштү. Аны кармоо учурунда шектүү куралдуу каршылык көрсөткөн.
Окуя болгон жерге ИИМдин жана УКМКнын жетекчилери барды. Ушул тапта тергөө ыкчам тобу иштеп жатат. Атайын операция боюнча кошумча маалымат берилет.
Социалдык тармактарга атышуулар болуп жатканы тартылган видеолор тараган. Саламаттык сактоо министрлиги эки укук коргоо кызматкери жараат алганын, бири Улуттук госпиталга жеткирилерин билдирди. (BTo)
Facebook шеринеси