Линктер

ЧУКУЛ КАБАР!
13-Июль, 2024-жыл, ишемби, Бишкек убактысы 11:47

Мунай ташуучулар июнда бензин 3 сомго чейин кымбаттай турганын жарыялады


Кыргызстандагы күйүүчү май куюучу жайлардын бири. Иллюстрациялык сүрөт.
Кыргызстандагы күйүүчү май куюучу жайлардын бири. Иллюстрациялык сүрөт.

Кыргызстандын Нефтетрейдерлер ассоциациясы 1-июнда күйүүчү-майлоочу май рыногундагы жагдайларга түшүндүрмө берип, июнь айында өлкөдө бензиндин бир литри 2,5-3 сомго чейин кымбаттай турганын маалымдады. Мекеме күйүүчү май саткан компаниялар бааны акырындык менен көтөрүүгө аракет кылышарын жана кескин өзгөрүүлөргө барбай турганын билдирди.

Ассоциация мунун себебин дүйнөлүк рынокто мунайдын баасы кымбаттап баратканы менен түшүндүрөт. Мунайдын Brent үлгүсү соңку бир аптада 1,2% кымбаттап, $77,34 чейин чыккан.

Маалыматка караганда, Мунай экспорттоочу өлкөлөрдүн уюму – ОПЕК жана ОПЕК+ (Organization of Petroleum Exporting Сountries) тобуна мүчө өлкөлөр 4-июнда мунайды казууну азайтуу маселесин талкуулаганы жатат. Бул мунайдын дүйнөлүк баасына дагы таасир этиши мүмкүн.

Ассоциация Украинадагы согушка байланыштуу Батыштын Москвага салган санкцияларынан кийин Орусияда мунайды казуу төмөндөгөнүн, бул мунай заттардын кыскарышын шарттап, заводдордо анын баасынын көтөрүлүшүнө алып келгенин билдирет. Кыргызстандагы соңку мезгилдеги кымбаттоолордун себеби ушул жагдай менен түшүндүрүлүп жатат.

Орусия Федерациясы ушул тапта ички дефицитти жана баанын көтөрөлүшүн алдын алуу үчүн бензинди сыртка экспорттоого тыюу салууну талкуулоодо. Буга байланыштуу Кыргызстандык компаниялар Орусиядан күйүүчү май ташып келүүдө түрдүү көйгөйлөргө туш болуп жатышат.

Улуттук статистика комитетинин маалыматында жазылгандай, орточо баа былтыркыга караганда бир аз төмөндөдү. Ошол эле маалда бир-эки жыл мурдагыга караганда кымбатыраак.

Учурда Кыргызстандын аймагында бензиндин А-95 үлгүсү 59 сомдон 63 сомго чейин сатылууда. А-92 үлгүсү 53 сомдон 57 сомго чейин, А-80 үлгүсү 46 сомдон 56 сом. Ал эми дизелдин баасы айрым жерлерде 67-68 сомдон болуп жатса, кээ бир жерлерде 74-75 сомдон деп көрсөтүлүп турат. (ErN)

Facebook шеринеси

XS
SM
MD
LG