Линктер

ЧУКУЛ КАБАР!
13-Июль, 2024-жыл, ишемби, Бишкек убактысы 09:19

Бишкек мэриясы жол кирени көтөрүүнү сунуштады


Бишкектеги коомдук транспорттордун бири.
Бишкектеги коомдук транспорттордун бири.

Бишкек шаардык мэриясы калаадагы коомдук транспорттун жол киресин көтөрүүнү сунуштап жатат. Бул тууралуу вице-мэр Максатбек Сазыкулов 5-сентябрда “Азаттыкка” билдирди.

Бул демилге учурда коомдук талкууга коюлганын, жол киренин баасын болжол менен 20-22 сомго көтөрүү сунушталганын маалымдады.

“Азыр ыңгайлуу, кенен, экологиялык жактан талаптарга жооп берген автобустар каттай баштагандан кийин анын жол киреси жок дегенде өзүн актасын деп жатабыз. Себеби автобустар өзүн-өзү актабаса, 2-3 жылда эскирип, аны кайра каржылоо кыйын болуп калат. Биз коомдук транспорт үчүн өзүнчө жол тилкелерин бөлүп, алардын ылдам жүрүшү үчүн шарт түзүп жатабыз”, - деди вице-мэр.

Өкмөт Бишкекти Кытайда жасалган 1000 жаңы автобус менен камсыздоону, алардын жарымын жыл аягына чейин алып келүүнү көздөөдө. Жаңы автобустардын 112си келип, иштеп жатат.

2-сентябрда Бишкек шаарынын мэри Эмилбек Абдыкадыров тургундар коомдук транспортко түшүүгө кызыкдар боло турган система түзүлө баштаганын билдирген.

Азырынча Бишкекте жүргүнчү ташуучу негизги коомдук транспорт - жеке ишканаларга караштуу маршруттук кичи автобустар. Алардын жүргүнчүлөр үчүн коопсуздугу жана ыңгайлуулугу көптөн бери сын жаратып келет.

Facebook шеринеси

XS
SM
MD
LG