Линктер

ЧУКУЛ КАБАР!
15-Июль, 2024-жыл, дүйшөмбү, Бишкек убактысы 01:56

"Ак-Тилекте" кайрадан тыгын пайда болду


Архивдик сүрөт.
Архивдик сүрөт.

Кыргыз-казак чек арасындагы кыргыз тараптагы “Ак-Тилек” жана казак тараптагы “Карасуу” өткөрмө бекеттеринде оор жүк ташуучу автомашиналардын топтолуусу катталганын бүгүн 15-сентябрда Кыргызстандын Чек ара кызматы билдирди.

Мекеменин маалыматына караганда, саат 16:00гө карата “Ак-Тилектин” тушунда Кыргызстандан чыгууга кезекте 140 автоунаа турган. Ал эми Казакстан тараптан Кыргызстанга кирүүгө 40 автоунаа кезек күтүп турду.

“Кыргыз-казак мамлекеттик чек арасында жүк ташуучу унаалардын топтолуусу күз мезгилинде жүк ташуунун агымы көбөйгөндүгүнө байланыштуу болууда. Айрыкча айыл чарба азык-түлүгүнүн Кыргызстандан башка өлкөлөргө экспорттолушу себеп болот. Транспорт каражаттарынын топтолуусу циклдик мүнөзгө ээ”, - деп билдирди мекеменин басма сөз кызматы.

Кыргыз тараптан да, казак тараптан да эч кандай чектөө жок экени, эки мамлекеттин өткөрүү жайлары штаттык режимде иштеп жатканы белгиленди.

Бир ай мурда кыргыз-казак чек арасындагы айрым өткөрмө бекеттеринде жүк ташуучулардын узун кезеги пайда болуп, маселе бир нече күн чечилбей турду. Кыргызстандан Казакстанга, андан ары Орусияга негизинен айыл чарба продукциясын ташышат. (RK)

Facebook шеринеси

XS
SM
MD
LG