Линктер

ЧУКУЛ КАБАР!
15-Июль, 2024-жыл, дүйшөмбү, Бишкек убактысы 08:18

Орусия күйүүчү майдын экспортуна тыюу салды


Краснодарда тартылган сүрөт.
Краснодарда тартылган сүрөт.

Орусиянын өкмөтү 21-сентябрда бензин менен дизель майын экспорттоого тыюу салды. Мындай чечим түшүм жыйноо өнөктүгүндө жогорулаган ички бааларды турукташтыруу үчүн кабыл алынганы айтылат.

Өкмөттүн токтому расмий жарыяланган жок. Бирок премьер-министрдин басма сөз кызматы жана мамлекеттик органдар тыюуну “убактылуу чектөө” деп атоодо. Алардын жүйөсүндө бул чара ички рынокту толтуруу үчүн кабыл алынган.

20-сентябрда вице-премьер-министр Александр Новак өкмөт өкүлдөрү бааларды чектөө боюнча радикалдуу чараларды көрүүгө даяр экенин билдирген. "Свобода" радиосу дүң баалар Санкт-Петербург биржасынын маалыматы боюнча төмөндөй баштаганын, бирок чекене баалар өзгөрбөгөнүн жазды.

АИ-92 үлгүсүндөгү бензиндин биржа баасы бейшемби күнү тоннасына 61,8 миң рублди түздү. Жайкы дизелдик май 71,8 миң рублга барабар. Адистер 31-июлдан бери күйүүчү майдын баасы тоннасына 25% өскөнүн белгилешүүдө.

Кыргызстан күйүүчү майды негизинен Орусиядан алат.

Facebook шеринеси

XS
SM
MD
LG