"Фалкон-9" ракетасы жекшембиде 22 интернет-спутникти космос мейкиндигине чыгарды. Бул тууралуу SpaceX компаниясынын адистери маалымдашты.
Интернет-спутниктер Америка космос күчтөрүнүн Флоридадагы базасынан ишембиде 23:38де учурулган. Болжолдуу бир сааттан кийин спутниктер орбитага чыгарылды.
Бул Starlink долбоорунун алкагында интернет-спутниктердин космос мейкиндигине 2019-жылы май айынан бери 110-жолу, быйыл жыл башынан бери 41-жолу чыгарылышы. Жалпысынан 5,1 миң спутник чыгарылса, айрымдары керектен чыгып, учурда 4,8 миң спутник иштеп жатканы кабарланды.
SpaceX компаниясы дүйшөмбү күнү дагы 21 интернет-спутник менен "Фалкон-9" ракетасын АКШнын Калифорниядагы космос базасынан учурмакчы.
Facebook шеринеси