Бишкектин четиндеги Мурас-Ордо конушунда дайынсыз жоголуп, изделип жаткан 5 жаштагы баланын сөөгү табылды.
Сөөктү 15-январь күнү, саат 15:57де Өзгөчө кырдаалдар министрлигинин куткаруучулары конуш четиндеги суудан таап, ата-энесине жана милиция кызматкерлерине өткөрүп беришти.
Маалыматка ылайык, аутизмден жабыркаган А. А. аттуу наристе 14-январь күнү Мурас-Ордо конушунда дайынсыз жоголгон. Баланы издөөгө ӨКМдин 17 куткаруучусу менен чогуу милиция кызматкерлери, жергиликтүү тургундардан ыктыярчылар тартылган.
Ички иштер министрлиги былтыр дайынсыз жоголгон 150 адам табылганын билдирген.(ZKo)
Дагы караңыз