Линктер

ЧУКУЛ КАБАР!
28-Май, 2024-жыл, шейшемби, Бишкек убактысы 21:02

Казакстанда журналисттин соту башталды


Жамила Маричева.
Жамила Маричева.

Казакстанда мамлекеттик бюджеттин акчасынын сарпталашына көзөмөл жүргүзүүчү ProTenge долбоорунун негиздөөчүсү, журналист Жамила Маричевага козголгон иш боюнча соттук териштирүү башталды. Кезектеги сот отуруму 6-майга дайындалды.

Иш Алматыда, административдик мыйзам бузуулар боюнча район аралык сотто каралууда. Алгачкы отурум 2-майда өттү. Анда полиция өкүлү журналист “жалган маалымат тараткан” деп айыпталып жатканын билдирди.

Маричеванын адвокаты ал кылмыш кылбаганын айтып, териштирүүнү токтотууга чакырды.

Журналистти 24-апрелде кармап кетип, Бостандык райондук полиция башкармалыгында дээрлик бир саат кармашкан. Алматы полициясы «ProTenge Telegram-каналынын автору жалган маалымат тараканы үчүн полицияга жеткирилгенин, ага карата административдик протокол түзүлгөнүн» маалымдаган.

Быйыл январь айында “Азаттык” радиосунун казак кызматы кабарчылары аккредитация ала албай жатканын жарыялаганда ProТenge өзүнүн Telegram-каналына аларды колдогон мазмундагы пост жарыялаган жана “Азаттыкты” маанилүү иликтөөлөрдү жасап жаткан күчтүү командалардын бири деп атаган.

Ошол постту бөлүшкөн журналист Асхат Ниязовго «жалаа жабуу» деген айып тагылган. Өткөн аптада анын иши сотто каралып, судья териштирүүгө негиз жок деген чечим чыгарып, ишти жапкан. (RK)

Facebook шеринеси

XS
SM
MD
LG