Соода-өнөр жай палатасында өлкөдөгү мунай тармагындагы өкүлдөр жана Кыргызстандагы АКШнын элчилигинин экономикалык-саясат бөлүмүнүн башчысынын орун басары Брент Бейер санкциялар боюнча маселени талкуулашты. Бул тууралуу Соода-өнөр жай палатасынан кабарлашты.
Жолугушууда АКШнын Орусиянын отун-энергетикалык тармагына киргизген санкциялары, анын Кыргызстандагы мунай базарына тийгизген таасири талкууланды.
Брент Бейер АКШнын санкциялык саясатынын негизги аспектилерин түшүндүрүп, тобокелчиликтерди азайтуу үчүн эл аралык нормаларды сактоо зарылдыгын белгиледи.
11-январда АКШ Кыргызстанда катталган “Газпром нефть Азия” жана “Мунай мырза” компанияларына да санкция салган. Тышкы иштер министринин орун басары Медер Абакиров 23-январда АКШнын Кыргызстандагы элчиси Лесли Вигери менен “Керемет банктын” жана Кыргызстанда катталган “Газпромнефть Азия”, “Мунай мырза” компанияларынын санкцияга илинишин талкуулаган.
Тараптар кандай чечимге келгени кабарланган эмес. (TSh)
Шерине