Кыргызстанда да "Яндекс" компаниясынын такси жана жеткирүү кызматтары үзгүлтүккө учурап жаткандыгы байкалууда. Социалдык тармактардын колдонуучулары тиркеме аркылуу такси чакыра албай жатканын жазып жатышат.
"Яндекстин" тиркемеси аркылуу тамак-аш буйрутма берүү кызматы да иштебей, "Техникалык мүчүлүштүк чыкты, бар күчүбүз менен оңдоп жатабыз", - деген билдирүү чыгып жатат. Тиркеменин колдоо кызматы да жеткиликтүү эмес.
"Яндекстин" Кыргызстандагы өкүлчүлүгү мындай жагдай боюнча түшүндүрмө бере элек.
11-октябрда украин куралдуу күчтөрү Орусиядагы "Яндекс" компаниясынын үчүнчү дата-борборуна сокку урганы белгилүү болду. Мындан улам компаниянын Орусиядагы бир канча кызмат көрсөтүү системаcы иштебей калган.
Мындай үзгүлтүк "Яндекс" иштеген Казакстан, Армения жана Сербияда да байкалып жатканы жазылган.
Шерине