Америкалык чип өндүрүүчү Nvidia компаниясынын башкы директору Женсен Хуанг кызматынан кетип, компаниянын директорлор кеңешинин курамынан чыкты. Бул тууралуу компаниянын басма сөз кызматы билдирди. Анын ордуна компанияны буга чейин каржы директору болуп иштеген Колетт Кресс жетектемекчи.
Буга чейин The New York Times басылмасы Nvidia компаниясынын жетекчиси кытайлык Элис Хуанг аттуу ишкер айым менен жакын мамиледе болгону тууралуу жазган. АКШнын атайын кызматтары ишкер аял тыңчылык кылып, Кытайдын пайдасына маалымат берип турган болушу мүмкүн деп шектенүүдө.
Ишкерге фамилиясы окшош Элис Хуанг Nvidia компаниясынан чиптерди сатып алган Сингапурдагы Megaspeed компаниясында жетекчилик кызматтарда иштеген. Ал ага чейин Кытайдагы мамлекеттик телеканаларда эмгектенгени тууралуу да маалыматтар чыгып жатат.
The New York Times басылмасы АКШнын атайын кызматтары бул шектенүүлөр тууралуу болжол менен бир жыл мурун АКШ президенти Дональд Трампка маалымдашканын жазды. Бирок Трамп бул маалыматка байланыштуу эч кандай чара көрбөөнү туура көргөн.
Бул жаңжалдан кийин Nvidia компаниясы Женсен Хуангга байланыштуу көз карандысыз иликтөө баштаган. Бул маалымат ачыкка чыккан соң компаниянын акцияларынын баасы кескин төмөндөдү.
Женсен Хуангга 1990-жылдардын башында негиздеген Nvidia компаниясы дүйнөдөгү эң алдыңкы жана кымбат компаниялардын бири. Бул компания өндүргөн чиптер автомобиль өндүрүшүнөн тарта жасалма интеллект үчүн колдонулуп, технологиялык өнүгүү үчүн зор мааниге ээ.
Шерине