“Манас Интернейшнл Сервис” боюнча кылмыш иши кайра козголду

Мурдагы президент Аскар Акаев тушунда АКШ базасына авиакеросин ташып келген “Манас Интернейшнл Сервис” ишканасына байланыштуу токтотулуп калган кылмыш ишин Башкы прокуратура кайрадан жаңыртты. Бул тууралуу Башкы прокуратуранын маалымат кызматы билдирет.

Маалыматка ылайык, аталган ишкана бюджетке 723 миллион 833 сом өлчөмүндөгү салыкты төлөбөй койгону үчүн айыпталууда. Бул ишканага каршы А.Акаевдин бийлиги кулагандан кийин кылмыш иши козголуп, кийин Каржы полициясы кылмыш ишин токтотуп койгон. (IJz)