Эл аралык экипаж Байкоңурдан космоско учту

5-апрелде Казакстандын Байкоңур космодромунан Орусиянын “Союз” кемеси учурулду. Юрий Гагариндин космоско учканынын 50 жылдыгынын урматына арналган ардактуу миссияны орусиялык эки космонавт жана АКШ астронавты аткарышууда.

Космонавттар Андрей Борисенко менен Александр Самокутяев жана америкалык астронавт Рон Гаран эки күндөн кийин орбитада учуп жүргөн үч космонавтка кошулат.