Орусиянын Петербург шаарында мектеп окуучуларын улутчулдар урган факты боюнча бүгүн соттун өкүмү чыгаары айтылууда. Окуя 2009-жылдын 14-февралында болгон. Мектеп окуучулары Тагир Керимов менен Сулейман Рамазановду улутчул жаштардын тобу катуу сабап кетишкен болчу. Керимов оор жаракат алып, эс учун жоготуп койгон. Бул боюнча козголгон кылмыш иштин жүрүшүн Коомдук палата көзөмөлүнө алган эле.
