Бул үчүн атайын концепция иштелип чыкканын бүгүн маалымат жыйында Мамлекеттик кадр кызматынын жетекчиси Чолпонкул Арабаев билдирди. Концепция мамлекеттик кызматтардагы системаны модернизациялоога багытталган. Аны менен чиновниктердин белгиленген эмгек акысын карап чыгып, ошого жараша социалдык кепилдиктер аныкталат. “Бул мамлекеттик кызматкерлердин алып аткан айлыктары менен алардын талаптарынын шайкеш келишин жана системаны заманбап жашоо шартына тууралоого багытталууда. Маяна жасап аткан иштеринин натыйжалуулугун көтөрүү үчүн стимул болушу керек” – дейт Арабаев. (КЕ)
