Кымбат дарыга муктаж болгон үч жаштагы Аруузат Ташматовага каражат толугу менен чогулуп бүттү. Ал сейрек кездешүүчү генетикалык ооруга чалдыккан. Аруузатка керектүү дарынын баасы 2 млн. 300 миң долларды түзгөн. Каражат чогултуу дээрлик эки жылга созулду. Аруузаттын атасы Бакай Ташматов акча чогултуудагы кыйынчылыктар жана кызынын азыркы абалы тууралуу айтып берди.