Линктер

ЧУКУЛ КАБАР!
29-ноябрь, 2020 жекшемби, Бишкек убактысы 08:43

Бишкекте коронавирус жугузуп алган сатуучу 48 адам менен байланышта болгон


Өзгөчө абал алынгандан кийинки Бишкек шаары. 11-май, 2020-жыл.

Бишкек шаарында соода борборунун вирус жуктурган бир кызматкери 48 адам менен байланышта болгон.

Ушундан улам, шаардын вице-мэри Татьяна Кузнецова шаардыктарды эл көп чогулган жерлерге барбоого, муктаждык болбосо үйдөн чыкпай турууга чакырды. Вице-мэр бул тууралуу бүгүн, 16-майда брифингде билдирди.

Маалыматка ылайык, 16-майга карата Бишкекте вирус жуктуруп алгандардын саны 305 адамга жетти. Булар менен байланышта болгон 648 киши обсервацияда, 765 адам медициналык көзөмөлдө. Жалпы шаардагы обсервация жайларында учурда 1064 киши жатат.

Бишкек шаарында коронавирустун жайылышынын алдын-алуу боюнча медициналык кызматкерлерден турган 20 мобилдик бригада иштеп жатат

Борбор калаада жана чектеш конуштарда жашаган 250 миӊ жаранга гуманитардык жана социалдык жардам көрсөтүлдү.

Бишкек шаары 22-марттан тарта карантинге алынган. 25-марттан 11-майга чейин өзгөчө абал жарыяланган. Шаардагы бардык ишканалар, соода оюн-зоок борборлору, базарлар, коомдук транспорт ишин токтоткон. 11-майдан тартып айрым ишканаларга, такси кызматынын ишмердүүлүгүнө, дүкөндөргө, тейлөө кызматтарына ишмердүүлүгүн жандандырууга уруксат берилген. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG