26 жаштагы Руслан Каримов Екатеринбург шаарында бала кезден бери жашап келет. Анын атасы Екатеринбургдагы кыргыздардын диаспорасын түптөп, мекендештерине жардам берген активист болчу. Бир кездеги миграцияга кеткен үй-бүлөнүн уулу мекендин барк-баасы туурасында ар дайым ойлонот. Атанын жолун жолдоп, мекендештерин колдогонго үйрөнгөн Руслан Кыргызстанга кайтып келип, өнүгүшүнө салым кошкусу келет.