Линктер

ЧУКУЛ КАБАР!
дүйшөмбү, 17-февраль, 2020 Бишкек убактысы 17:05

КЛДП FactCheckтин маалыматына жооп кайтарды


Кыргыз Либерал-демократиялык партиясы FactCheck порталы жазган партиянын бет ачарына Бажы кызматынын мурдагы төрага орун басары Райымбек Матраимовдун жакын адамдарынын биринин катышканы боюнча маалыматка жооп кайтарды.

Партия "Фейсбуктагы" баракчасына жайгаштырган маалыматта партиянын бетачарына бардык каалоочулар келип кеткенин, бирок бул алар менен тилектеш деген ишаратты билдирбесин белгиледи.

“Бет ачарга Интернет аркылуу бардык жарандарды чакырганбыз, бардык каалоочуларга эшик ачык болгон. Нарын, Ош, Ысык-Көлдөн бери каалоочулар келип катышкан. 600дөй киши катышкан иш-чарада биз ким кимдин өкүл баласы же досу, тууганы экенин териштире алган жокпуз. Жүк ташуучу компаниянын жетекчиси экени айтылып жаткан Нурбек аттуу жаран партия лидерлеринин бири менен да тааныштыгы жок жана партиянын иш-чарасына атайын чакыртылган эмес. Биз тескерисинче партиянын бет ачарында олигархтардын, акчанын күчү менен шайлоону жеңем дегендерге каршы экенибизди ачык айтканбыз жана аларды катуу сындаганбыз”, - деп айтылат билдирүүдө.

Партия мүчөлөрү FactCheck порталын шайлоого катышууга ачык жана купуя аракет көрүп жаткан башка партиялардын катарындагы талапкерлерди жана артында турган күчтөрдү иликтөөгө чакырган.

Буга чейин 2-февралда FactCheck порталы Бишкекте өткөн КЛДПнын бет ачарына Матраимовдун өкүл баласы экени айтылган Нурбек Керимбеков аттуу адамдын катышканын жарыялап, "партиянын Матраимовго тииешеси барбы?" деген суроо койгон.

Башында Жогорку Кеңештин депутаты Жанар Акаев, экономика министрин мурдагы орун басары Элдар Абакиров жана саясат талдоочу Сейтек Качкынбай турган Кыргыз Либерал-демократиялык партиясы алдыдагы жергиликтүү жана парламенттик шайлоолорго катышарын жарыялаган. (BkA)

Пикирлерди көрүңүз (14)

XS
SM
MD
LG