Линктер

ЧУКУЛ КАБАР!
7-Декабрь, 2021 шейшемби, Бишкек убактысы 07:19

Апендинин жоруктарынан


Айтылуу Апенди куудул – чын-чынына келгенде, кылым карыткан элдик куудулдук мурасты өзүнө сыйдырган жана ар кыл доорлордо жашай алган “өтө эпчил” кейипкер.


* * * * *

Апенди досун үйүнө чакырып коюп, унутуп кетип калат.
Досу келсе эч ким жок экен.
Ачуусу келген досу Апендинин дарбазасына чоооо-оң кылып "ЭШЕК" деп жазып кетиптир.
Эртеси базарда экөө жолугуп калышат:
- Апенди, кечээ үйүңө барсам эч ким жок экен, - дейт.
Анда Апенди:
- Билдим сенин келгениңди. Ырас атыңды дарбазама жазып кеткен экенсиң, - деген тура.

* * * * *


Бир күнү шаар башчысы Апендинин ачуу тилинен айып таап дарга асмак болот.
Аянтта эл додо.
Салаңдап турга сыйыртмак жиптин алдындагы Апендиге өкүм ээси:
- Акыркы өтүнүчүңдү айтып кал, - деп кайрылат.
- Бир гана суранычым бар, - дейт Апенди. - Мени ассаңар да белимден аскылачы, анткени мойнумда кытыгым бар эле...

* * * * *


Апенди досу менен Америкадагы илимий жыйынга катышып калышат.
Америкалыктар:
- Жакында Марска учабыз.
Германиялык илимпоздор:
- Биз Айды изилдеп жатабыз.
Апенди туруп:
- Биз жакында Күнгө учканы жатабыз, - дейт.
Баары таң калып туруп калса, Апенди камырабай кошумчалап коёт дейт:
- Биз шашпа-ай Күн салкындаганда барабыз.

* * * * *


Апендинин бала чагы.
Ал мектептен келгенде тумагы ылай болуп калганын көргөн апасы:
- Айт, эмне болду?
- Балдар тумагымды алып футбол тобу кылып ойношту.
- Сенчи? Сен эч нерсе кылган жоксуңбу?
- Мен жөн эле дарбазачы болуп турдум...

* * * * *

Негизги булак: http://www.facebook.com/pages/КЫРГЫЗЧА-АНЕКДОТ/
ТЧ.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG