Юстиция министрлиги парламентте талаш жараткан кумсалыкты пропагандалоого каршы жана бейөкмөт уюмдарды “чет өлкөлүк агент” катары таануу жөнүндө мыйзамдарды адам укугун чектейт деп эсептейт. Бул тууралуу юстиция министри Жылдыз Мамбеталиева “Азаттыкка” берген маегинде билдирди. Министрдин айтымында, учурда 200 партия расмий каттоодон өткөн жана алдыдагы шайлоого беш жыл мурун катталган партиялар гана катышат деген чектөө алынып салынган.