Ысык-Көлдүн Түп районунда сел жүрүп, турак жай, мал сарайлар жабыркады. Орус-грузин согушунун 15 жылдыгына карата Тбилисиде митинг өттү. Беш күндук согуштан кийин Грузия Түштүк Осетия жана Абхазия аймактарына көзөмөлүн жоготкон. Орусияда бычакталган келин жана аны өлтүрүүгө шектелген күйөөсү орус жарандыгын алган кыргызстандыктар экени аныкталды. Келинди күйөөсү балдарынын көзүнчө кызганычтын айынан бычактап салганы айтылууда. Казакстандын дыйкандары суу тартыштыгынын азабын тартып жатышат. Мээ кайнаткан күндүн ысыгында талаага суу жетпей, эгин куурап жатат. Жабыркап жаткан Жамбыл районуна суунун 80 пайызы Кыргызстандан агып кирет.