Бишкектин Лев Толстой көчөсүндөгү эмгек биржасында көчөнү бойлой 400-500гө жакын туруктуу иши жоктор турат. Алардын бири таластык Тилек айылга үй салам деп каражат чогултканы бир жыл мурун келген. Шаардан жарытарлык иш таба элек, бирок айылга куру баргандан намыстанат. Тилек конуштардын биринде теңтуштары менен батирде турат. Акча топтомок турсун нанга араң жеткен күндөрү болот. Эми достору менен чогулуп Орусияга иш издеп кетүүнү пландап жатышкан экен.