Алганда арзан, сатканда кымбат сүт

Чүйдүн бир топ айылдарында сүт арзандап, уй кармагандардын чыгымы акталбай жатат. Учурда ортомчу ишканалар сүттүн литрин 14 сомдон алып жатса, жайында анын баасы 10 сомго чейин түшүп кетет. Өлкөдө сүт иштетүүчү мамлекеттик заводдордун жоктугунан жеке менчик ишканалар каалаган баасын коюшат. Айрым айылдарда уйдун сүтү үй-бүлөдө жалгыз киреше булагы болуп саналат. Ал эми Кыргызстандын дүкөндөрүндө сүттүн литри 50-100 сомдон сатылат.