Линктер

ЧУКУЛ КАБАР!
25-Июль, 2021 жекшемби, Бишкек убактысы 17:54

Бүгүн – Элдик ыңкылап күнү


24-март: Окуя тасмада
please wait

No media source currently available

0:00 0:13:27 0:00

24-март: Окуя тасмада

Мындан туура жети жыл мурда 24-мартта мурдагы президент Аскар Акаевдин башкаруусуна нааразы болгон миңдеген демонстранттар өкмөт үйүнүн алдына чогулуп, милицияны четке сүрүп таштап, Ак үйгө кирип барган.

Президент Аскар Акаев үй-бүлөсү менен Кыргызстандан качып чыгууга аргасыз болгон. Ак үйдүн жетинчи кабатынан кагаздар менен буюм-тайым, компьютерлер ыргытылган. Түнү менен шаардагы дүкөндөр таланып-тонолуп, шаар таанылгыс абалга келген.

Ошол кездеги оппозиция макулдашылган талапкер катары Курманбек Бакиевди президенттикке сүрөп, бийликке алып келген. Бакиев президенттикке келгенден бир жыл өтпөй кайрадан бийликти бир колго топтоосу байкалган. Буга нааразы болгон ошол кездеги парламент депутаттары 24-мартты майрам катары белгилөө сунушун кабыл алган эмес. Бирок 2007-жылы К.Бакиев парламентти таратып, жаңы шайланган парламентке өзү түзгөн “Ак жол” партиясын алып келген.

2008-жылы “Ак жол” партиясы бул күндү майрам катары белгилөө сунушун колдоп берген.

Өткөн аптада Жогорку Кеңеш март ыңкылабын майрам катары белгилебей койсо да боло турганын айтышып, бирок расмий чечим кабыл алынган эмес. 23-мартта Жаштар, эмгек жана жумуштуулук министрлиги 24-март календарда кызыл бойдон кала турганын кабарлады. Тарыхый окуяга байланыштуу президент Алмазбек Атамбев калкка кайрылып, алдыда дагы бир топ сыноолор күтүп турганын айткан. Ошондой эле "Биз коррупцияны, улутчулдукту, жердешчиликти жана маңкуртчулукту жеңишибиз керек. Кыйынчылыктарга моюн бербестен биз максат кылган жолубуздан эч убакта тайбайбыз”- деп белгиледи.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG