Президент Алмазбек Атамбаев Boeing учагы кулаган Дача-СУ конушунун тургундары менен жолукту. Жолугушууга учак кырсыгынан каза болгондордун жакындары катышты.
Президент жабыркагандар менен жолукту
1
Президенттин жолугушуусу журналисттердин катышуусуз өттү.
2
Жолугушуу "Ала-Арча" мамлекеттик резиденциясында болду.
3
Буга чейин социалдык тармактарда президент Атамбаевдин кырсык болгон жерге барып, андан жабыркагандардын абалына кызыкпаганы кызуу талкууланып, ар кандай сындар айтылган эле.
4
Жабыркаган Дача-СУ конушунун калкы дагы президент менен жолугууну талап кылып келген.
5
Алар бийликтен коопсуз жайга көчүрүүнү жана кырсыктын кесепеттерин тез арада жоюу маселесин көтөрүшкөн.
6
Өкмөт жабыркагандарга компенсация төлөтүп алуу маселесинин үстүндө иштеп жатканын айтып келет.
7
Өзгөчө кырдаалдар министри Кубатбек Боронов келтирилген материалдык зыян алдын ала эсептелип чыкканын "Азаттык" радиосуна билдирди. Анын айтымында, кыйраган үйлөрдү, транспортту жана чарбалык объектилерди кошкондо чыгым 186 миллиондон ашуун сомду түзгөн.
8
Президент Алмазбек Атамбаев 6-январдагы учак кырсыгында үй-бүлөсүн жоготуп, жалгыз калган жети жаштагы Султан менен.
9
10
11
16-январдагы учак кырсыгында үй-бүлөсүн жоготуп, жалгыз калган жети жаштагы Султан.
12
Үй-бүлөсүн жоготкон жети жаштагы Султан учурда “Манас” аэропортунан алты чакырымдай алыстагы Манас айылында жашаган чоң апасынын колунда экен. Учак кырсыгында Султандын ата-энеси жана эки иниси каза болуп бир үй-бүлөдөн жалгыз калды.
13
16-январь күнү таңга маал болгон учак кырсыгында Шералиевдердин үй-бүлөсүнөн жети жаштагы Жакшылык гана аман калган: анын 26 жаштагы ата-энеси, эки карындашы Сокулук районундагы Дача-СУ айылында учак кырсыгынан каза табышты.
14
18-январдагы учак кыйраган каргашада үй-бүлөсүнөн ажырап калган жети жаштагы Султан менен сегиз жаштагы Жакшылык “Балдардын укугун коргоо лигасынын” кырсыктан кийин балдарга ылайыкталган атайын комплекстүү программасына киргизилген. Ушул күндөрү эки бала тең психологиялык реабилитациядан өтүп жатат.
15
16
16-январда таңга жуук "Манас" аэропортуна жакын жайгашкан Дача-СУ конушуна түркиялык Мy Cargo компаниясынын жүк ташуучу Boeing 747 учагы кулаган. Андан 39 адам каза болду.
