- Боршайком үгүт өнөктүгүн эрте баштады деп президенттике аттангандардын үстүнөн берилген арыздарды карай баштады. Муну шайлоого аттанган бир катар саясатчылар "бийликтин кысымы" деп баалашууда.
- Райымбек Матраимов өзүнө алган милдеттенмени толук аткара элек. Ал 1-декабрга чейин мамлекетке жалпысынан 646 миллион сом төккөн. Коопсуздук кызматы мурдагы бажычыны ноябрдын аягына чейин эки миллиард сомду казынага кайтарууга милдеттендирген.
- Кыргызстанда жарандарды ВИЧ-СПИДге текшерүү жүрүп жатат. Сентябрдан бери 500 жарандан анализ алынып, кооптуу инфекция Чүй облусу менен Бишкектин базарларында иштегендерден аныкталган.