Өткөн аптада Жогорку Кеңеш “Кыргызгаз” ишканасын Орусияга сатуу келишимин ратификациялады. Кыргыз бийлиги өлкөнү туруктуу газ менен камсыздоо үчүн бул келишим маанилүү деп ишендирип жатат. Каршы тараптар болсо “Кыргызгаздын” “Газпромго” өтүшү менен Кыргызстандын Орусияга көз карандылыгы күчөйт деп кооптонууда. Азаттыктын “Ынгайсыз суроолор” телепрограммасынын бул жолку чыгарылышы ушул темага арналды. Талкууга “Кыргызгаз” ишканасынын жетекчисинин биринчи орун басары Куралбек Наскеев жана Жогорку Кеңештин депутаты Улукбек Кочкоров катышты.