Баткен районунда кышкысын үч ай күн тийбеген керемет кыштак бар, жайында ошончо эле убакыт айыл асманында ай көрүнбөйт. Куш каалгыган бийиктен Памир-Алай тоолорунун шиш чокуларынын ортосунда кысылган айыл ушундай көрүнөт. Унутта калган бул кыштакта да эл жашайт, шарты катаал жерде деле күн кечиришет. Биздин багыт Кыргызстандын түштүк-батышындагы Кыштут айылын көздөдү.