Бишкекте коомдук, саясий жана мекенчил күчтөр уюштурган курултай “Кыргызстан: кечээ, бүгүн, эртең” деп аталды. Курултайда экс-президент Алмазбек Атамбаевдин алты жылда, учурдагы президент Сооронбай Жээнбековдун ишине киришкен бир жыл ичинде аткарган ишине баа берилип, резолюция кабыл алынды. Андан тышкары Жогорку Кеңештин ишине “жетишсиз” деген баа берилип, камакта жаткан саясатчылардын ишин кайра кароо, жаңы Конституция кабыл алуу, Кумтөр келишимин денонсациялоо маселелери каралды.