Рождество майрамына карата Ош шаарындагы П.Чайковский атындагы музыкалык мектептин окуучулары австриялык ырчы Хайдемария Обертюр менен чогуу шаардыктарга акысыз концерт коюшту. Концерттин биринчи бөлүгүндө немис композиторлорунун чыгармалары жаңырып, экинчи бөлүгү Рождество майрамы тууралуу ырлар менен коштолду. Иш-чараны Германиянын Кыргызстандагы элчилиги уюштурган.