Дүйшөнкул Чотонов кармалды
Жогорку Кеӊештин мурдагы депутаты, «Ата Мекен» партиясынын мүчөсү Дүйшөнкул Чотоновду УКМК кызматкерлери кармап кетти. Бул тууралуу «Азаттыкка» «Ата Мекен» партиясынын активисттери кабарлашты. Маалыматка караганда, Чотоновду саат 6.30дарда үйүнөн кармап кетишкен.
Өмүрбек Текебаев кармалды
Текебаевдин тарапкерлери УКМК алдына акцияга чыгышат
Бүгүн камакка алынган «Ата Мекен» фракциясынын лидери Өмүрбек Текебаевдин тарапкерлери акцияга чыгышат. Бул тууралуу «Ата Мекен» фракциясынан депутат Аида Салянова «Азаттыкка» билдирди. Анын айтымында, акцияда саясатчыны камактан бошотуу жана бийлик тараптан саясий куугунтукту токтотуу талабы коюлат.
Салянова бийлик Текебаевден корккону үчүн ушундай кадамга барып, ага карата куугунтукту баштады деген пикирин билдирди.
Учурда Өмүрбек Текебаевдин камалышы боюнча расмий органдар эч кандай комментарий бере элек. Саясатчы өзү 3 сааттан ашык убакыттан бери УКМКда кармалып турат.
Сокулук милициясында 11 адам кармалып турат
Кармалган 11 адамга “стратегиялык жолду бууган үчүн” деген айып менен милиция тарабынан проткол толтурулду. Бул тууралуу “Азаттыктын” кабарчысы Улан Эгизбаев билдирди. Жалпысынан бүгүн “Манас” аэропортунун жолунда милиция 15 адамды кармап кеткен. Алардын арасында төрт журналист болгон.
Учурда эки саат милицияда кармалып турган журналисттердин бардыгы бошотулду, бирок Өмүрбек Текебаевдин тарапкерлери дагы деле милицияда кармалып турат.
