Премьер-министр Мухаммедкалый Абылгазиев Ош шаарындагы жаңы курулган «Ак ниет» багынын ачуу аземине катышты. Сейил багы шаардын Бекмамат Осмонов көчөсүн бойлой курулган. Долбоорго ылайык курулуш иши ушул жылдын июнь айында башталып, ага 28 млн. сом сарпталган. Эс алуу багынын узундугу 850, туурасы 15-18 метр. Чачыратма, түнкү чырактар, отургучтар орнотулган. 3000 чарчы метрге таш жана үч чакырым асфальт төшөлгөн. 800дөй бак отургузулган.