Саясий партиялардын шайлоо өнөктүгүнө короткон акчаларынын булагын буга чейин Борбордук шайлоо комиссиясынын (БШК) адистери гана билип келишсе, мындан ары ар бир жаран андан кабардар боло алат. Жергиликтүү кеңештерге шайлоонун алдында ушундай эреже киргизилип, БШКнын сайтына партиялардын каржы булактары ачык жазыла баштады. Бул тууралуу БШКнын мүчөсү Атыр Абдрахматова кененирээк айтып берет.