Күтүрөтүп мал кармаганга жайыт, эгин-тегин үчүн айдоосу тар Миң-Куш кезинде кенчилер менен өндүрүшчүлөргө ылайыктап салынган. Союз маалында уран казылып, заводдор күпүлдөп иштеп турган шаарча кийин турмуш өзгөргөнү ээнсирей түшкөн. Бирок соңку жылдары айыл жаштарынын деми менен тирилик жандана түшкөнү байкалат. Буга "Миң-Кушка бир калемсап алып келсем да салым болот" деген жигердүү жаштар себепкер болгондой. "Азаттык плюс" бул жолу Миң-Куш шаарчасына айылчылап келди.