10-11-майда Москвада чет жердеги кыргыздардын бүткүл дүйнөлүк III форуму өттү.
Форумга дүйнө жүзүндөгү алыскы жана жакынкы 32 чет өлкөдөн жана Орусиядагы кыргыз диаспораларынын өкүлдөрү катышмакчы. Форумдун негизги максаты чет өлкөлөрдөгү мекендештердин башын бириктирип, түпкү мекени үчүн кызмат кылууга чакыруу.
Болот Жунусов: Кыргыз диаспоралары социалдык долбоорлорду каржылай баштады
Орусиядагы кыргыз элчиси Болот Жунусов Москвадагы кыргыз диаспораларынын курултайында сүйлөгөн сөзүндө Орусиядагы мигранттардын ролу зор экенин белгилеп, эки тараптуу кызматташтык жаңы денгээлге чыгып жатканын айтты.
Болот Жунусов ушул жумада Москвага кыргыз президенти Алмазбек Атамбаев келгенде ЖККУнун маселелеринен сырткары Кыргызстандагы ГЭСтерди куруу маселеси боюнча сүйлөшүү жүргүзгөнүн маалымдады.
Элчинин айтымында, Орусиядагы Кыргыз диаспорасынын өкүлдөрү Кыргызстанга акча которуу менен чектелбестен, мекениндеги социалдык долбоорлорду каржылай баштады.
Абдыганы Шакиров: мигранттар мекенге технология жөнөтүүгө өтүшү керек
Москвадагы кыргыз диаспорасынын башчысы Абдыганы Шакиров өз сөзүндө чет жактагы эмгек мигранттарынын которгон каражаттары Кыргызстандагы стабилдүүлүктү камсыз кылууда мааниси чоң экенин белгиледи. Шакировдун пикиринде, кыргыз эмгек мигранттары Кыргызстанга жөн гана каражат жөнөтпөстөн, жаңы технологияларды жөнөтүүгө өтүшү керек.
Москва шаарында кыргызстандыктардын бүткүл дүйнөлүк III курултайынын ачылышы болду. Курултайга дүйнө жүзүнөн келген кыргызстандыктар катышууда. Бул ирет өткөрүлүп жаткан курултай дүйнөдөгү эмгек мигранттарынын проблемалары жана аларды чечүүгө арналган.
