2024-жылдын биринчи аптасында "Азаттыктын" ар кайсы кызматтары тарткан кызыктуу, таасирдүү сүрөттөр топтомун сунуштайбыз.
Москвадагы ызгаар, тумандуу таңда эчки кайтарган Биби (сүрөт баян)
1
Москвада ызгаар суук... Тоңуп калган Москва дарыясында муз жаргыч кеме иштеп жатат.
2
Мышыгын көтөргөн аял Харьков шаарына орус армиясынын чабуулунда жабыркаган үйүнүн алдында турат. Украина
3
14 жаштагы Биби тумандуу таңда эчки кайтарып отурат. Пакистан, Пешавар шаарынын чети.
4
3-январда Москвада абанын температурасы -24 градуска жетти. Аяздуу күндө сейилдеп жүргөн аял.
5
Пакистандын Равалпинди шаары. Оюнчук саткан киши кардар күтүп отурат.
6
Ирандагы кош жардыруудан жаракат алгандар. 3-январь, Ирандын түштүгүндөгү Керман шаарындагы оорукананын алды. Генерал Касем Сулайманини эскерүүгө эл чогулган учурда болгон жардыруулар жана андагы 84 кишинин өлүмү үчүн жоопкерчиликти "Ислам мамлекети" (ИМ) экстремисттик тобу өзүнө алды.
7
Пакистандын Пешавар шаары. Туман жана суукта көчөдө жоолук жамынып отурган киши.
8
Македониянын борбору Скопьедеги коюу туман жана булганган аба. Аба сапатынын индекси "ден соолукка зыяндуу" деп табылып, Скопье дүйнөдөгү эң кир шаарлардын катарына кошулду.
9
Ооганстандык балдар Газнидеги музейдин алдында советтик доордон калган танктын үстүндө ойноп жатышат.
10
Пакистан, Исламабад. Тумандуу таңда эс алуу багында сейилдеп жүргөндөр.
11
Москва. Павильондун терезесинен шаар борборундагы жаңы жылдык жана Рождество жарманкесин карап отурган аял.
12
Украина. Орусиянын Киевге ракеталык соккусунан кийин өрттөнүп жаткан автосалон.
13
Киевде орус армиясынын ракеталык чабуулу болгон жерде жаткан куурчак. 2-январь, 2024-жыл
14
Пакистан, Лахор шаары. Крикет ойногон жеткинчектер.
15
Пакистан, Карачи шаарындагы Бахрия мунарасы. 1-январдагы күн чыккан учуру.
16
Венгрия. Балатон көлүндөгү жаңы жылдык сууга чөмүлүү жөрөлгөсү.
17
Босния, Сараево шаарын каптаган ыш.
18
Бишкектин "Ала-Тоо" аянтында жаңы жылдык балаты.
19
Ирандык христиандарды негизинен армяндар түзөт. 1-январда Тегерандагы Сурб Саркис чиркөөсүндөгү сыйынуу.
20
Пакистандын Пешавар шаары. Дүң базарда балык иргеп жаткан жумушчулар.
