Нарын: Коронавирус чыкканда медиктерге кол көтөрүшкөн

2020-жылдын жаз айларында Кыргызстанда коронавирус инфекциясы катталып, элдин үрөйү учуп турган маалда Ат-Башы районунун Ача-Кайыңды айылынын медайымдары кыйналган учурлар көп болду. Себеби айыл тургундары вируска ишенбей, медкызматкерлерди күнөөлөшүп, кол көтөрүүгө чейин барышкан. Кийин адамдар каза таба баштаганда гана медиктерге кайрылгандар арбыган.