Мурдагы ички иштер министри, саясатчы Өмүрбек Суваналиев 2027-жылда өтчү президенттик шайлоого талапкер болуу ниети бар экенин билдирди. Бул тууралуу саясатчы “Азаттыкка” маегинде айтты. Суваналиевдин айтымында, көп жылдар боюнча саясатта жүргөн адам катары шайлоодо учурдагы президентке атаандаш болчу талапкер чыгышы керектигин, бул жаатта оппозициячыл күчтөрдүн башын бириктирүүгө аракет кыларын кошумчалады.