Линктер

ЧУКУЛ КАБАР!
31-Июль, 2021 ишемби, Бишкек убактысы 01:48

Олимпиада-2016 азилдери


Кошоматка кой союп, астыңа мык да төшөп... TKy. 12.7.11.

Риодогу Олимпиада күндөрү спорт дүйнөсүндөгү азилдер менен коштолууда.

* * * * * * *

Олимпиадада кыска аралыкка чуркоо башталды. Амеркиалыктар: «Гоу! Гоу!» деп кыйкырышууда. Испандар: «Рапидо! Рапидо!» Немистер: «Шнелл! Шнелл!» Биздикилер: «Ташбака! Ташбака!»

* * * * * * *

- Алло! Бул Эл аралык олимпиада комитетиби?

- Ооба.

- Чучукту кызытмалардын тизмесине кошо элексиздерби?

- Чучук жеген киши медал алса, ошондо ал маселени карап көрөбүз.

* * * * * * *

- Силердин өлкөңөрдүн найза ыргыткан спортсменин эмнеге сындап атышат?

- Аны кызытма колдонду деп айыптап жатышат, бирок канында эч бир кызытманын изи жок экен.

- Анда болуптур да!?.

- Калыстар биротоло жыйынтык чыгаралы дешсе, тиги көккө ыргыткан найза дагы эле жерге түшпөй жатыптыр!

* * * * * * *

- Сегиз жылдан кийинки Олимпиада Лүксембургда өтөт дешет ко.

- Анда ал чоң-чоң стадиондорду жана спорт комплекстерин куруу үчүн 7 жыл ичинде коңшу өлкөлөрдү каратып алууга мажбур болот тура.

* * * * * * *

- Ата, Маскөөдө 1980-жылкы Олимпиададан кийин эмне калды эле?

- Дүйнө элдеринин балдары...

* * * * * * *

Беларус спортсмендери оюнда утуп жатышат.

Беларус күйөрманы:

- Малайцы! Малайцы!

- Кызык, булар – Малайзиянын атынан чыгып жатышабы? – анча-мынча орусча билген киши таңдана кобурайт.

- Жо-ок, беларусча “малайцы!” сөзү – орусча “молодцы”, кыргызча “азаматтар!” дегенди билдирет.

- Аа-а...

* * * * * * *

- Олимпиада деген эмне, ата?

- Олимпиада – бул кытайлык салттык медицина менен америкалык дары-дармек корпорацияларынын тымызын атаандашуусунун жайы.

* * * * * * *

Англистердин Олимпиада тууралуу анекдотунан.

- Сиз күмүш медалды эмнеге алдыңыз?
- Олимпиада тууралуу тажатма такмазаларым үчүн.
- Алтын медалдычы?
- Аларды айтууну токтотконум үчүн.

* * * * * * *

TT

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG