Ушул тапта Түштүк Кореяда Кыргызстандын 7 миңден ашуун жараны жашап-иштейт. Алардын катарында эмгек келишими менен баргандар, орус паспорту менен мыйзамсыз иштегендер, студенттер же этностук корейлер бар. Кыргызстандан бул өлкөгө мыйзамдуу жол менен барам деген жарандар адеп визага документ тапшырып, алдын ала иш берүүчү менен келишим түзүшү керек. Миңдеген чакырым алыска ийгилик издеп келгендер үйүн сагынып, куса болсо да кара жанын карч уруп жүрүшөт. “Азаттык” мындан ары чет жердеги мигранттардын турмушуна "Борборазиялык мигрант" медиа долбоорунун алкагында кенен кайрылып турат.