Сулайман-Тоодо бак-дарактар эмнеге кыйылды?

ЮНЕСКОнун дүйнөлүк мурастар тизмесине кирген Ош шаарындагы Сулайман-Тоо комплексинин аймагындагы 55 түп бак-дарактын кыйылышы боюнча териштирүү жүрүп жатат. Тоону көзөмөлдөгөн Сулайман-Тоо музей комплекси дарактарды «жашартуу үчүн кыйдык» деп жүйө келтирүүдө. Шаар тургундары бак-даракты кыюуга жол берген жетекчилик жоопкерчиликке тартылышы керектигин айтып чыгышты.