Тажик блогерлерге салык салынат
Тажикстанда жашап, социалдык тармактардан акча тапкандар эми салык төлөй баштайт. Бул тууралуу өлкөдөгү белгилүү блогер Рафаел Гулов билдирди. Аны өлкөнүн Салык кызматы атайын чакырып, бул кабарды угузган. Ал эми Салык кызматы бул маалыматты тастыктай элек. Бирок январдан баштап Тажикстанда электрондук кызматтарга салык кабыл алына баштаган. Ага ылайык эл аралык компаниялар каттоодон өтүп, кирешесинен 18% кошумча нарк салыгын төлөшү керек.