Таластагы талаштуу курулуштар

Таласта акыркы жылдарда курулган имараттардын сапатына адистер нааразы болуп келет. Алардын бири облустук драма театрдын имараты. Анын сапатсыз салынганы, курулушка бөлүнгөн акчалар мыйзамсыз коротулганы айтылган. Имаратты салган “Курулуш-Арсенал БМ” жоопкерчилиги чектелген коому Өкмөттүн Таластагы мурдагы ыйгарым укуктуу өкүлү Марат Мураталиевге таандык экени айтылат. “Азаттык” бул компания салган облустагы имараттардын сапатын жана андагы коррупциялык схемаларды иликтеди.