Линктер

ЧУКУЛ КАБАР!
14-Май, 2021 жума, Бишкек убактысы 01:31

БУУнун Климат боюнча конференциясы жыйынтыксыз аяктады


БУУнун Климат боюнча дүйнөлүк конференциясы. Мадрид. 14-декабрь.

Мадридде Бириккен Улуттар Уюмунун Климат боюнча 25 - конференциясы аяктады. Анын катышуучулары бирдиктүү билдирүү кабыл алышканы менен, табият коргоочуларынын сынына кабылышты. "Greenpeace" уюмунун өкүлү Мартин Кайзер конференциянын жыйынтыгын "климат кризисинен жабыркап жаткан бардык адамдарды сатып кетүү" катары баалады.

Мурдараак жыйындан натыйжа чыкпай калганын 16 жаштагы экологиялык активист Грета Тунберг айтып чыккан.

Бул конференциянын жыйынтыгында катышуучулар климатты коргоо боюнча олуттуу жаңы милдеттенмелерди кабыл алат деп күтүлгөн. Жыйынтыгында катышуучулар Париж макулдашуусун аткаруу боюнча көбүрөөк чараларды кабыл алууну макулдашканы менен так кадамдар тууралуу бир пикирге келе алышкан жок.

Климат боюнча БУУнун Дүйнөлүк конференциясы Чилинин баш калаасы Сантьягодо өтмөк. Бирок ал жакта жапырт нааразылык акциялары токтобой жаткандыктан Мадридге которулган.

Жума күнү жыйынтыктала турган жыйын катышуучулардын талашып-тартышуусунан улам эки күнгө созулду.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG