НТСтин талашы медиага басымбы?
Сиздин браузер HTML5 ыкмасын колдобой жатат.
Кыргызстандагы мамлекеттик эмес НТС каналынын айланасында талаш чыкты. 19-декабрда телеканалдын имаратына сот аткаруучулар келип, эфирди токтотууну жана имаратты жабууну талап кылышты. Буга негиз катары Бишкектин райондор аралык сотунун аныктамасы айтылууда. Оппозициячыл "Республика-Ата Журт" фракциясынан депутат Өмүрбек Бабановго таандык делген каналга карата мындай чабуулду айрымдар сөз эркиндигине, маалымат каражаттарына карата басым катары санаса, айрымдар катардагы мүлк талаш катары санап жатышат. “Эксперттер талдайт” берүүбүздүн алкагында ушул суроолорго жооп издейбиз. Берүүбүзгө Жогорку Кеңештин депутаты Жанар Акаев, Юридика илимдеринин доктору Кайрат Осмоналиев жана НТС каналынын редактору Миржан Балыбаев катышты.