Узарбек Жылкыбаев өкмөттүн Ош облусундагы өкүлү болуп дайындалды. Бул тууралуу 25-июлда өкмөттүн басма сөз кызматы билдирди. Маалыматка караганда, ал өкмөттүн Ош облусундагы өкүлчүлүгүнүн жамаатына тааныштырылды.
КСДП фракциясынан Жогорку Кеңешке депутат болгон Узарбек Жылкыбаев 2017-жылдын март айынан бери өкмөттүн Ысык-Көл облусундагы өкүлү кызматын жетектеп келе жаткан.
Ал эми өкмөттүн Ош облусундагы мурдагы өкүлү Таалайбек Сарыбашев 18-июлда Ош шаарынын мэри болуп шайланган.